İsmayıllı Regional Mədəniyyət İdarəsinin tabeliyində fəaliyyət göstərən  İsmayıllı  MKS-nin Uşaq şöbəsində şəhidlik zirvəsinə ucalmış insanlara həsr olunmuş  tədbir təşkil  edildi.

Tədbirdə “Qoşa ruhlar “ adlı sənədli film nümayış etdirildi.

Azərbaycan Respublikasının Prezidenti yanında Qeyri hökümət təşkilatlarına Dövlət dəstəyi  Şurasının 2018-ci ildə elan etdiyi Qrant müsabiqəsində qaliblərdən biri də “İsmayıllı yazarları” ədəbi  ictimai birliyidir.

“Qoşa ruhlar”, şairlikdən şəhidlik zirvəsinə gedən yol adlı lahiyyənin icraçı məqsədi ilə çəkilmiş  “Qoşa ruhlar” adlı sənədli film vətən uğrunda şəhid olmuş iki gəncin həyatından bəhs edir. Filmin bir hissəsi 26 il bundan  əvvəl,  1992-ci ildə Ağdərə uğrunda gedən döyüşlərdə “Tərlan” adlandırdığı  tankın imkanlarından  məharətlə  istifadə  etməklə  40 nəfəri xilas etmiş , özü  isə tankın içində yanaraq kül olmuş, 1961-ci ildə  Gəncə şəhərində anadan olmuş  şəhid-şair  Salmanov Aydın Arif oğlu haqqındadı

Filmin digər hissəsi İsmayıllı rayonunda  1993-cü ildə anadan olmuş, 2016-cı ilin aprel ayında Vətən uğrunda gedən döyüşlərdə şəhid olmuş Mikayıl Vahabzadəyə həsr edilmişdir.

İctimaiyyət  tərəfindən  hörmət  və  ehtiramla  qarşılanmış sənədli  film rejisor  Etibar Məmmədovun səyi nəticəsində  həyata keçirilib. Lahiyyənin  rəhbəri  Aybəniz xanım  Qafarovadır.