31mart-azerbaycanlıların soyqırımı günü ilə əlaqədar bu gün İsmayıllı Regional Mədəniyyət və Turizm İdarəsinin tabeliyində fəaliyyət göstərən Qəbələ rayon Uşaq İncəsənət məktəbində rəsm sərgisi keçirilmişdir. Məktəbin direktoru Əhməd Qəndiyev və tədris işləri üzrə direktor müavini Ədibə Məmmədova çıxış edərək soyqırımda həlak olan soydaşlarımızın başına gətirilən faciədən bəhs etdilər. Faciə qurbanlarının və torpaq uğrunda şəhid olanların əziz xatirəsi dərin hüzn və ehtiramla yad edildi.