Qobustan rayonunda  Novruz bayramı münasibətilə  ümumrayon  şənliyi təşkil olundu. Tədbir zamanı İsmayıllı Regional Mədəniyyət və Turizm İdarəsinin tabeliyində fəaliyyət göstərən Mədəniyyət Mərkəzi və  R.Behbudov adına  Uşaq İncəsənət məktəbinin kollektivləri yaxından iştirak etdilər. 

    Qobustan rayon İcra hakimiyyətinin başçısı cənab Adil Məmmədov bayram təbrikini səsləndirdikdən sonar meydanın ortasında böyük tonqal alovlandırıldı, qara zurnanın sədaları ətrafa yayıldı.
   Tədbirdə milli geyimli gənc oğlan və qızlar əllərindəki gül-çiçək dəstələri, xonçalar, səməni və digər bayram atributları şənliyə xüsusi rəng qatdı.  Bahar qızı gəlişi, kosa və  keçəlin duzlu-məzəli oyunları, rəqs qruplarının, musiqiçilərin bir-birindən  gözəl çıxışları hər kəsdə şən əhval-ruhiyyə yaratdı.