Birinci vitse-prezident, Heydər Əliyev Fondunun Prezidenti Mehriban xanım Əliyevanın xeyirxah təşəbbüsü ilə başlamış qanvermə aksiyasına İsmayıllı rayonu da qoşulub. “Qan ver, can qurtar” adlı aksiyada məqsəd “COVID-19” pandemiyası səbəbindən tətbiq olunan karantin rejimi dövründə qan çatışmazlığı xəstəliklərindən əziyyət çəkənlərə kömək etməkdir. Rayonun icra hakimiyyəti, təhsil, mədəniyyət, idman və digər sahələrdə fəaliyyət göstərən dövlət qurumlarının əməkdaşları, həmçinin müxtəlif fiziki şəxslər İsmayıllı rayon Heydər Əliyev adına Mədəniyyət Mərkəzində qan verməyə gəlib. Kampaniyaya könüllü qoşulmuş onlarla xeyirxah insan əvvəlcə müayinədən keçirilib. Sonra, Mərkəzi Qan Bankının Şəki bölməsindən dəvət olunmuş həkim briqadası onlardan qan alıb. Qeyd edək ki, İsmayıllı Regional Mədəniyyət İdarəsinin tabeliyində fəaliyyət göstərən İsmayıllı rayon mədəniyyət müəssisələrinin əməkdaşlarıda qan vermə aksiyasında  iştirak ediblər,Aksiya rayonun mərkəzi xəstəxanasının dəstəyi və KİV-lərin iştirakı ilə, karantin qaydalarına riayət edilərək həyata keçirilib.