Azərbaycan Respublikasının Şuşa şəhərinin işğalından 28 il ötür.Şuşa Azərbaycanın unikal mədəniyyət mərkəzlərindən biridir. Təbii gözəllikləri ilə seçilən bu şəhər milli memarlığımızın və orta əsrlər şəhərsalma sənətinin qiymətli abidəsidir. Milli-mənəvi dəyərlərimizi və musiqi ənənələrimizi daim yaşadan Şuşa mühüm iqtisadi, siyasi və mədəni əhəmiyyətə malik şəhər kimi təşəkkül tapanadək zəngin yol keçib, Qarabağ xanlığının mərkəzi olmaqla xalqımızın həyatında özünəməxsus rol oynayıb. Qasım bəy Zakir, Xurşidbanu Natəvan, Mir Möhsün Nəvvab, Nəcəf bəy Vəzirov, Əbdürrəhim bəy Haqverdiyev, Yusif Vəzir Çəmənzəminli, Firudin bəy Köçərli, Əhməd bəy Ağaoğlu və digər görkəmli şəxsiyyətləri ilə tarixə düşən bu şəhər dünyada Azərbaycan muğamının beşiyi kimi tanınır. Azərbaycanın dilbər guşəsi, Qarabağın qəlbi, musiqi beşiyi Şuşa haqqında Qobustan MKS-in hazırladığı videoçarxları təqdim edirik.

https://www.facebook.com/ismayilliregional/videos/pcb.530130490962935/232294658195562/?type=3&theater

https://www.facebook.com/ismayilliregional/videos/pcb.530130490962935/692250784883776/?type=3&theater