İsmayıllı Regional Mədəniyyət və Turizm İdarəsinin tabeliyində fəaliyyət göstərən Şamaxı rayon Mərkəzi kitabxanasında Azərbaycan Xalq Cumhuriyyətinin 100 illik yubileyinin qeyd edilməsi ilə əlaqədar  MKS-nin tədbirlər planına uyğun olaraq “Dövlətçilik tariximizin parlaq səhifəsi” mövzusunda dəyirmi masa keçirildi.

    Tədbiri giriş sözü ilə MKS-nin direktoru  Ərəsdun Xələfov açaraq Azərbaycan Respublikası Prezidenti İlham Əliyevin 2018-ci ilin Azərbaycan Respublikasında  “Azərbaycan Xalq Cumhuriyyəti ili” elan  edilməsi haqqında məlumat verdi.

    Azərbaycan Dövlət Pedaqoji Universitetin Şamaxı filialının dossenti , Tarix üzrə fəlsəfə  doktoru Zərifə Cavadova “Dövlətçilik tariximizin parlaq səhifəsi” mövzusunda məruzə ilə çıxış etdi.

    Tədbirdə şöbə  müdirləri  Zemfira Hacıyeva , Hicran Xasıyeva ,  Afaq Səfiyeva mövzu ətrafında çıxış etdilər.

    Kitabxanada “Xalq Cumhuriyyəti -100”  başlıqlı kitab sərgisi təşkil olunmuşdur.